حالة من اللغط، تسببت فيها الفنانة المعتزلة لورا عماد زوجة الفنان شريف منير، بعدما نشرت رسالة تشكو فيه من ابنتيها.
ونشرت لورا عماد عبر حساباتها الشخصية فيديو لابنتيها “فريدة وكاميليا”، وعلقت عليه:” “رسالة إلى بناتي (فريدة وكاميليا).. بما إنكم خلاص قررتوا متبقوش في حياتي، بعد ما اديتكم عمري وصحتي وحبي واهتمامي وضحيت عشانكم كتير!! وكل مدارسكم بمدرسينكم بدكاترتكم بأصحابكم بأمهات أصحابكم يشهدوا بإن أنا كنت أم عاملة إزاي!”.
وأضافت لورا: “بقولكم مبروك عليكم عيلتكم الجديدة، وهقولكم حاجة واحدة بس! اللي مالوش خير في أمه ملوش خير في حد، وبتمنالكم كل خير وصحة وإن ربنا يهديكم في يوم من الأيام!”
وتابعت: “بس ربنا موجود وكبير قادر على اللي عمل فيكم كده إنه يرده ليه في يوم من الأيام! مامي لورا يمكن تكونوا نسيتوا اسمي”.
وعلّقت “كاميليا” على ما قالته والدتها قائلة: “عمرنا ما بعدنا عنك يا مامي، وغير كده أنا كنت لسه قاعدة معاكي امبارح ومكنتش عارفة إنك كنتي بتفكري في كده”.
لتعود الأم وترد: “أنتم عارفين كويس أوي إني بشحتكم وبتهربوا مني.. ربنا موجود ويهيديكم من الزّن اللي على ودانكم”.
وعلّقت “فريدة” ابنة شريف منير على ما نشرته والدتها؛ قائلة: “ليه بتعملي كده؟ ليه بتخلي شكلنا كده قدام الناس؟”
لترد عليها الأم : “أنتوا بتموتوني كل يوم.. وأنتي عارفة كده كويس.. ربنا يهديكي.. صحيح الزّن على الودان أمر من السحر”.
من هي لورا زوجة الفنان شريف منير
ولورا عماد فنانة معتزلة، شاركت سنة 2001، في فيلم “لو كان دا حلم”، ثم تزوجت من الفنان شريف منير بعد وفاة زوجته الأولى، وعادت مرة آخرى للتمثيل في مسلسل نصيبي وقسمتك.
